மறைந்த தனது தந்தையின் நினைவாக அவரது கழுத்துபட்டிகளை ஆடையாக்கி மகள் பட்டமளிப்பு விழாவில் கலந்துகொண்ட சம்பவம் இணையவாசிகளை கலங்க வைத்துள்ளது.
கொலம்பியாவைச் சேர்ந்த 22 வயது பட்டதாரியான வெரோனிகா ஃபிராங்கோ பெஜரானோ, தனது பட்டமளிப்பு விழாவில் காலமான தந்தையின் நினைவுகளைத் தன்னுடன் கொண்டு செல்ல ஒரு அழகான முயற்சியை மேற்கொண்டார்.
தனது சகோதரியுடன் இணைந்து, தந்தை பயன்படுத்திய பழைய கழுத்துப்பட்டைகளை வண்ணமயமான பாவாடையாக மாற்றினார். அன்பும் பாசமும் நிறைந்த இந்த ஆடையை உருவாக்க அவரது தாயாரும் வடிவமைப்பதில் உதவினார்.
ஒரு தையல் கலைஞர் அவர்களின் எண்ணத்திற்கு அழகான வடிவம் கொடுத்தார். இதில் மிகவும் உணர்ச்சிகரமான விஷயம், அவர்களின் தந்தை பெருமையுடன் அணிந்திருந்த ராணுவ சீருடையின் கருப்பு கழுத்துப்பட்டையையும் அந்தப் பாவாடையில் இணைத்ததுதான்.
முதலில் அவரது சகோதரி தனது பட்டமளிப்பு விழாவில் இந்தப் பாவாடையை அணிந்தார். அதற்குப் பிறகு ஓராண்டு கழித்து வெரோனிகாவும் அதே பாவாடையை அணிந்து அந்த அழகான நினைவைத் தொடர்ந்தார்.
ஒரு சாதாரண ஆடை உருவாக்கும் முயற்சியாகத் தொடங்கியது, இன்று தந்தையின் மீதான அன்பையும் குடும்பப் பாசத்தையும் வெளிப்படுத்தும் அழகான நினைவுச் சின்னமாக அந்த ஆடை மாறியுள்ளது.
















































