இன்றைய இலங்கை வானிலை 16 நவம்பர் 2026 திங்கட்கிழமை
வங்காள விரிகுடாவில் உருவான தாழமுக்கம் இன்று காற்றழுத்த தாழ்வு மண்டலமாக வலுப்பெற்று இன்று இரவு புயலாக மாறும் என வளிமண்டலவியல் திணைக்களம் எச்சரித்துள்ளது. இந்த புயலுக்கு அக்வான் என பெயர் சூட்டப்படும் என எதிர்பார்க்கப்படுகிறது. இந்த புயல் இலங்கையில் நேரடியாக கரையை கடக்கும் வாய்ப்பு குறைவு என்றாலும் அதன் தாக்கத்தால் நாடு முழுவதும் மழையுடனான வானிலை நிலவும்.
நாடு முழுவதும் வானம் மேகமூட்டத்துடன் காணப்படும்.
வடக்கு வடமத்திய மற்றும் கிழக்கு மாகாணங்களில் அவ்வப்போது மழை பெய்யும்.
மேல் மற்றும் வடமேல் மாகாணங்களிலும் காலி மற்றும் மாத்தறை மாவட்டங்களிலும் பல தடவைகள் மழை பெய்யும்.
நாட்டின் ஏனைய பகுதிகளில் மாலை அல்லது இரவு வேளைகளில் சில இடங்களில் மழை அல்லது இடியுடன் கூடிய மழை பெய்யும்.
இடியுடன் கூடிய மழை பெய்யும் வேளைகளில் தற்காலிகமாக பலத்த காற்று வீசும் மின்னல் தாக்கங்களும் ஏற்படலாம் என்பதால் பொதுமக்கள் அவதானமாக இருக்குமாறு அறிவுறுத்தப்பட்டுள்ளனர்.
மேல் சபரகமுவ மத்திய மற்றும் ஊவா மாகாணங்களிலும் காலி மாத்தறை மற்றும் குருநாகல் மாவட்டங்களிலும் அதிகாலை வேளையில் சில இடங்களில் பனிமூட்டமான நிலை காணப்படலாம்.
கொழும்பு வானிலை
கொழும்பில் இன்று காலை மழை பெய்யும். பகலில் மேகமூட்டமாக இருக்கும். அதிகபட்ச வெப்பநிலை 30 பாகை செல்சியஸ் ஆகவும் குறைந்தபட்ச வெப்பநிலை 26 பாகை செல்சியஸ் ஆகவும் இருக்கும். காற்றின் ஈரப்பதம் அதிகமாக இருக்கும்.
கடல் வானிலை மற்றும் சிவப்பு எச்சரிக்கை
கடல் தொழிலாளர்கள் மற்றும் கடற்படையினருக்கு சிவப்பு எச்சரிக்கை விடுக்கப்பட்டுள்ளது.
காங்கேசன்துறை முதல் அம்பாந்தோட்டை வரை திருகோணமலை பொத்துவில் வழியாக உள்ள கடல் பகுதிகளுக்கும் வங்காள விரிகுடாவின் ஆழ்கடல் பகுதிகளுக்கும் செல்ல வேண்டாம் என அறிவுறுத்தப்பட்டுள்ளது.
கடல் பகுதிகளில் காற்று மணிக்கு 30 முதல் 40 கிலோ மீற்றர் வேகத்தில் வடகிழக்கு திசையில் இருந்து வீசும். காங்கேசன்துறை முதல் அம்பாந்தோட்டை வரையான கடல் பகுதிகளில் காற்றின் வேகம் மணிக்கு 60 கிலோ மீற்றர் வரை அதிகரிக்கலாம். இடியுடன் கூடிய மழையின் போது மணிக்கு 60 முதல் 70 கிலோ மீற்றர் வேகத்தில் காற்று வீசும்.
இந்த கடல் பகுதிகள் கொந்தளிப்பாக காணப்படும். ஏனைய கடல் பகுதிகள் இடைக்கிடையே ஓரளவு கொந்தளிப்பாக காணப்படும்.
வளிமண்டலவியல் திணைக்களம் வெளியிடும் அடுத்தடுத்த அறிவிப்புகளை அவதானிக்குமாறு கேட்டுக் கொள்ளப்படுகிறது.
